నేషనల్ క్రష్గా పేరొందిన రష్మిక మందన్న వరుస సినిమాలతో ప్రేక్షకులను అలరిస్తోంది. ఇటీవల ఆమె వ్యక్తిగత జీవితం కూడా సోషల్ మీడియాలో హాట్ టాపిక్గా మారింది. ముఖ్యంగా స్టార్ హీరో విజయ్ దేవరకొండతో ఆమె వివాహం గురించి జరుగుతున్న ప్రచారం అభిమానుల్లో ఆసక్తిని రేకెత్తిస్తోంది.
విజయ్ దేవరకొండ, రష్మిక మందన్న మధ్య ప్రేమ వ్యవహారం చాలాకాలంగా సినీ వర్గాల్లో చర్చనీయాంశంగా ఉంది. ఇద్దరూ తమ రిలేషన్ను బయటకు చెప్పకుండా సైలెంట్గా కొనసాగించారు. కానీ ఎక్కడికైనా కలిసి వెళ్లిన సందర్భాల్లో బయటపడిన ఫోటోలు, వీడియోలు ఈ వార్తలకు బలం చేకూర్చాయి.
ఎంగేజ్మెంట్ సైలెంట్గా పూర్తయిందా?
తాజా సమాచారం ప్రకారం.. విజయ్, రష్మిక ఇటీవలే ఎలాంటి హడావుడి లేకుండా నిశ్చితార్థం చేసుకున్నారని టాక్ నడుస్తోంది. అక్టోబర్ 3న ఈ ఎంగేజ్మెంట్ జరిగినట్టు సినీ వర్గాలు చెబుతున్నాయి. అయితే దీనికి సంబంధించిన ఫోటోలు లేదా అధికారిక ప్రకటన ఇప్పటివరకు బయటకు రాలేదు. నిశ్చితార్థం అనంతరం ఇద్దరూ తమ తమ సినిమాల పనుల్లో బిజీగా మారినట్టు సమాచారం.
పెళ్లి ఎప్పుడు? ఎక్కడ?
ఇప్పటికే వీరి వివాహ తేదీ కూడా ఫిక్స్ అయ్యిందన్న ప్రచారం మొదలైంది. వచ్చే ఏడాది ప్రారంభంలో, ఫిబ్రవరి 26న వీరి పెళ్లి జరగనుందని వినిపిస్తోంది. డెస్టినేషన్ వెడ్డింగ్గా రాజస్థాన్లోని ఉదయపూర్ ప్యాలెస్లో ఈ వివాహం నిర్వహించనున్నారనే టాక్ ఉంది. నిశ్చితార్థంలాగే పెళ్లి కూడా అత్యంత సింపుల్గా, కుటుంబ సభ్యులు, సన్నిహితుల మధ్య మాత్రమే జరగనుందని సమాచారం.
ఈ వార్తలపై త్వరలోనే అధికారిక స్పష్టత వచ్చే అవకాశం ఉందని సినీ వర్గాలు అంటున్నాయి.
విజయ్ – రష్మిక సినీ జర్నీ
రష్మిక కన్నడ సినిమాలతో కెరీర్ ప్రారంభించి తెలుగులో స్టార్ హీరోయిన్గా ఎదిగింది. విజయ్ దేవరకొండతో కలిసి ఆమె నటించిన గీత గోవిందం బ్లాక్బస్టర్ హిట్గా నిలిచింది. ఆ తర్వాత డియర్ కామ్రేడ్ సినిమాలోనూ కలిసి నటించారు. ఈ సినిమాల సమయంలోనే వీరి మధ్య సాన్నిహిత్యం పెరిగిందని అభిమానులు భావిస్తున్నారు.
ప్రస్తుతం రష్మిక తెలుగు, తమిళ్, హిందీ సినిమాలతో బిజీగా ఉండగా, విజయ్ దేవరకొండ త్వరలో రౌడీ జనార్ధన సినిమాతో ప్రేక్షకుల ముందుకు రానున్నాడు.
