ఇరాన్-ఇజ్రాయేల్ సంఘర్షణకు మూడవ వేదిక – ట్రంప్ యుద్ధ ప్రకటనతో వణికిన ప్రపంచం

వాషింగ్టన్/తెహ్రాన్:
ఇజ్రాయేల్–ఇరాన్ ఉద్రిక్తతలు మరింత తీవ్రమవుతున్న వేళ, అగ్రరాజ్యం అమెరికా యుద్ధ రంగంలోకి అడుగుపెట్టింది. అమెరికా అధ్యక్షుడు డొనాల్డ్ ట్రంప్ ఆదేశాలతో శనివారం రాత్రి అమెరికా వైమానిక దళాలు ఇరాన్‌లోని మూడు కీలక అణు కేంద్రాలపై మెరుపుదాడులు చేశాయి. ఈ దాడులతో ప్రపంచం ఒక్కసారిగా ఉలిక్కిపడింది.

B-2 స్పిరిట్ బాంబర్లు ఫోర్డో, నతాంజ్, ఇస్ఫహాన్ అణు కేంద్రాలపై తీవ్రమైన దాడులు జరిపాయి. ఈ దాడుల్లో ఫోర్డో అణు కేంద్రం పూర్తిగా ధ్వంసమైనట్లు ట్రంప్ ప్రకటించారు. “ప్రతి పైలట్‌ సురక్షితంగా తిరిగి వచ్చాడు. అమెరికా సేనలకు అభినందనలు. ఇప్పుడు శాంతికి సమయం వచ్చింది,” అంటూ ఆయన తన ట్రూత్ సోషల్‌లో ప్రకటించారు.

ఇజ్రాయేల్‌తో కలసి కూతవేటులో దాడి

ఇజ్రాయేల్ వైమానిక దళాలతో కలిసి ఈ దాడులు జరిగాయని ట్రంప్ స్వయంగా వెల్లడించారు. అమెరికా రెండు వారాల్లో యుద్ధంపై నిర్ణయం తీసుకుంటుందని ముందుగా తెలిపినా, కేవలం రెండు రోజుల్లోనే ఆ దేశం దాడులకు దిగడం గమనార్హం. ఈ దాడులు జరిపిన వెంటనే ట్రంప్, అమెరికన్ ప్రజలను ఉద్దేశించి ప్రసంగించనున్నట్లు తెలిపారు.

ఇండో-పసిఫిక్‌లో మిలటరీ కదలికలు

వైట్‌మన్ ఎయిర్ బేస్ నుంచి మరిన్ని B-2 బాంబర్లు బయలుదేరినట్లు సమాచారం. వాటితో పాటు ఎనిమిది KC-135 స్ట్రాటో ట్యాంకర్లు డియాగో గార్సియా బేస్‌కు చేరుకున్నాయి. ఈ విమానాలు “మైటీ 11”, “మైటీ 21” అనే కాల్‌సైన్‌లతో ప్రయాణించాయి. గతంలో ప్రత్యేక ఆపరేషన్లకు కూడా ఇదే కాల్‌సైన్ వాడిన సంగతి తెలిసిందే.

ఇరాన్ అధికారిక ధ్రువీకరణ

ఇరాన్‌ అధికారులు ఈ దాడులను ధ్రువీకరించారు. ఇస్ఫహాన్‌ డిప్యూటీ గవర్నర్ అక్బర్ సలేహి మాట్లాడుతూ, ఇస్ఫహాన్, నతాంజ్ ప్రాంతాల్లో పేలుళ్లు సంభవించాయని తెలిపారు. ఫోర్డో కేంద్రం క్వామ్ నగరానికి సమీపంలో ఉండటంతో, అక్కడి ప్రజలు పెద్ద శబ్దాలు విన్నట్లు తెలిపారు.

ఫోర్డో కేంద్రం భూగర్భంలో నిర్మించబడిన అణు కేంద్రం. ఇది 2023లో అంతర్జాతీయ అణుశక్తి సంస్థ నిర్వహించిన తనిఖీల్లో 83.7% శుద్ధి చేయబడిన యురేనియం నిల్వగా బయటపడింది. ఇది అణుబాంబులకు ఉపయోగించే స్థాయికి సమీపంగా ఉండటంతో, ప్రపంచ దేశాలు ఆందోళన వ్యక్తం చేశాయి.

ఇది కొత్త యుద్ధానికి సంకేతమా?

ఈ మెరుపుదాడులు ఇజ్రాయేల్–ఇరాన్ యుద్ధాన్ని పూర్తిస్థాయిలో మరింత తీవ్రతకు నడిపించనున్నాయా? అమెరికా ఇకనైనా అణువ్యాప్తి, మానవహిత ధోరణికి మద్దతు ఇవ్వనుందా? ఈ ప్రశ్నలకు సమాధానాలు త్వరలో తెలుస్తాయి. ప్రస్తుతానికి ట్రంప్‌ ప్రకటనలతో ప్రపంచం ఒక్కసారి ఊపిరి పీల్చక మిగిలింది.