చెన్నై: తమిళ సినీ పరిశ్రమలో గుర్తింపు పొందిన నటుడు శ్రీకాంత్ అలియాస్ శ్రీరామ్‌ను చెన్నై పోలీసులు డ్రగ్స్ కేసులో అరెస్ట్ చేశారు. కోకైన్ వినియోగించినట్లు నిర్ధారణ కావడంతో ఆయన్ని అదుపులోకి తీసుకున్నారు.
అధికారిక సమాచారం ప్రకారం, శ్రీకాంత్ దాదాపు రూ. 12,000 విలువ చేసే కొకైన్‌ను కొనుగోలు చేశారన్న ఆరోపణల నేపథ్యంలో, తమిళనాడు యాంటీ నార్కోటిక్స్ ఇన్టెలిజెన్స్ యూనిట్ ఆయనను విచారించింది. అనంతరం వైద్య పరీక్షలు నిర్వహించగా, డ్రగ్ టెస్ట్‌లో పాజిటివ్ రిపోర్ట్ వచ్చింది. దీనిపై మద్రాసు పోలీసు శాఖ చర్య తీసుకుని శ్రీకాంత్‌ను సోమవారం అరెస్ట్ చేసింది.
ఏఐఏడీఎమ్‌కే నేత అరెస్ట్ తో వెలుగులోకి వచ్చిన నడక
ఇటీవలి కాలంలో నూగంబాక్కంలోని ఓ బార్‌లో జరిగిన ఘర్షణ కేసులో అరెస్టైన ఏఐఏడీఎమ్‌కే నేత ప్రసాద్ పేరుతో డ్రగ్ ట్రాఫికింగ్‌ వ్యవహారం వెలుగులోకి వచ్చింది. పోలీసుల విచారణలో ప్రసాద్ తన వద్ద నుంచి నటుడు శ్రీకాంత్‌కు డ్రగ్స్ సరఫరా చేశానని అంగీకరించాడు. దీన్ని ఆధారంగా చేసుకుని అధికారులు శ్రీకాంత్‌ను పిలిచి విచారించగా, అన్ని ఆధారాలు తేలడంతో ఆయనను అరెస్ట్ చేశారు.
శ్రీకాంత్ సినిమా ప్రయాణం
శ్రీకాంత్ తన కెరీర్‌ను 2002లో తమిళ చిత్రం ‘రోజా కూటమ్’ ద్వారా ప్రారంభించారు. ఈ సినిమా తెలుగులో ‘రోజా పూలు’ పేరుతో విడుదలైంది. అనంతరం 2003లో ‘ఒకరికి ఒకరు’ సినిమాతో తెలుగు పరిశ్రమలోకి అడుగుపెట్టారు.
2007లో వచ్చిన ‘ఆడవారి మాటలకు అర్థాలే వేరులే’ సినిమాతో విశేష గుర్తింపు పొందారు.
తమిళం, తెలుగు, మలయాళ భాషల్లో పలు చిత్రాల్లో హీరోగా మరియు క్యారెక్టర్ ఆర్టిస్టుగా నటించారు. ఇప్పటివరకు తన నటనా ప్రస్థానంలో ఎన్నో విభిన్న పాత్రలు పోషించారు.
గమనిక: ఈ కేసుపై మరిన్ని వివరాలు అధికారికంగా వెల్లడి అయ్యే వరకు, పోలీసు విచారణ కొనసాగుతుంది.
