సౌత్ ఇండస్ట్రీలో స్టార్ హీరోలతో కలిసి ఎన్నో విజయవంతమైన సినిమాల్లో నటించిన తమన్నా తాజాగా ఇచ్చిన ఇంటర్వ్యూలో ఒక షాకింగ్ విషయం బయట పెట్టింది. తన కెరీర్లో ఒకసారి ఓ ప్రముఖ స్టార్ హీరోతో నటిస్తున్న సమయంలో జరిగిన చేదు అనుభవాన్ని ఆమె పంచుకుంది.
తమన్నా చెప్పిన ప్రకారం — ఆ సినిమాకి సంబంధించిన కొన్ని సన్నివేశాలు తనకు అసౌకర్యంగా అనిపించాయి. అందుకే, సూటిగా ఆ హీరోకి “సార్, నేను ఈ సీన్లు చేయలేను” అని చెప్పింది. కానీ, ఈ స్పందన ఆ హీరోకి అసలు నచ్చకపోవడంతో, కోపంతో “ఇంకా ఈ హీరోయిన్ అవసరం లేదు, వెంటనే మార్చేయండి” అంటూ దర్శకుడు, నిర్మాతలకి చెప్పి, తనపై అరిచి సెట్ నుంచి వెళ్లిపోయారట.
ఈ సంఘటన తమన్నాకు చాలా బాధ కలిగించిందని ఆమె తెలిపింది. అయితే, మరుసటి రోజే ఆ స్టార్ హీరో తన దగ్గరకు వచ్చి, “సారీ అండి, నేను అలా ప్రవర్తించినందుకు క్షమించండి” అని చెప్పారని తమన్నా వెల్లడించింది.
ఈ వ్యాఖ్యలు విన్న నెటిజన్లు మాత్రం ఆ హీరో ప్రవర్తనపై మండిపడుతున్నారు. “హీరోయిన్లను ఇలా చులకనగా చూడటమేంటి?”, “తమకు నచ్చిన సీన్లు చేయమని ఒత్తిడి తేవడం ఏంటి?”, “ఆడవాళ్లను ఆటబొమ్మల్లా చూడకూడదు” అంటూ సోషల్ మీడియాలో కామెంట్లు చేస్తున్నారు.
