దేశంలోనే అతి పెద్ద బ్యాంక్ అయిన స్టేట్ బ్యాంక్ ఆఫ్ ఇండియా (SBI) కస్టమర్లకు ఒక కీలక ప్రకటన చేసింది. SBI వినియోగదారులందరూ తప్పనిసరిగా తెలుసుకోవాల్సిన సమాచారం ఇది. నవంబర్ 30, 2025 తర్వాత OnlineSBI మరియు YONO Liteలో అందుబాటులో ఉన్న mCASH మనీ ట్రాన్స్ఫర్, క్లెయిమ్ సర్వీసులు పూర్తిగా నిలిపివేయనున్నట్లు బ్యాంక్ ప్రకటించింది.
ఇకపై కస్టమర్లు అకౌంట్ నంబర్ను సేవ్ చేయకుండా mCASH ద్వారా ఎవరికైనా డబ్బు పంపడం, mCASH లింక్ ద్వారా వచ్చిన మొత్తం క్లెయిమ్ చేయడం సాధ్యం కాదు.
ఈ నిర్ణయానికి సంబంధించిన పూర్తివివరాలను SBI ఖాతాదారుల కోసం తన అధికారిక వెబ్సైట్లో వెల్లడించింది.
బ్యాంక్ సూచన ప్రకారం, కస్టమర్లు UPI, IMPS, NEFT, RTGS వంటి ఇప్పటికే విస్తృతంగా వాడబడుతున్న, మరింత సురక్షితమైన డిజిటల్ పద్ధతులను ఉపయోగించాలి. ఇవి వేగవంతమైనవి, భద్రమైనవి మరియు సులభమైనవి కూడా.
mCASHను గతంలో ఎలా ఉపయోగించేవారు?
– కస్టమర్లు Google Play Store నుండి ‘SBI mCASH’ యాప్ను ఇన్స్టాల్ చేసుకునేవారు.
– లాగిన్ కోసం MPIN సెట్ చేసి, అదే MPINతో యాప్లోకి ప్రవేశించేవారు.
– ఈ యాప్ ద్వారా డబ్బు పంపడం, క్లెయిమ్ చేయడం వంటి పనులు జరిపేవారు.
mCASH ముఖ్య ఫీచర్లు
– మరో SBI కస్టమర్ పంపిన మొత్తాన్ని 8 అంకెల పాస్కోడ్తో క్లెయిమ్ చేసుకునే అవకాశం ఉండేది.
– క్లెయిమ్ చేసిన డబ్బును కోరుకున్న ఏ బ్యాంక్ అకౌంటుకైనా ట్రాన్స్ఫర్ చేసుకునే వీలు ఉండేది.
– భవిష్యత్ క్లెయిమ్లకు అవసరమైన అకౌంట్ నంబర్, IFSC కోడ్ లను సేవ్ చేసుకునే సౌకర్యం ఉండేది.
mCASH సేవ ఎలా పనిచేసేది?
– OnlineSBI లేదా State Bank Anywhere ద్వారా కస్టమర్లు అకౌంట్ నంబర్ ఎంటర్ చేయకుండానే డబ్బు పంపగలిగేవారు.
– రిసీవర్ మొబైల్ నంబర్ లేదా ఇమెయిల్ ఐడితోనే ట్రాన్సాక్షన్ పూర్తయ్యేది.
– డబ్బు అందుకునేవారికి సెక్యూర్ లింక్, 8 అంకెల పాస్కోడ్తో కూడిన SMS లేదా ఇమెయిల్ పంపబడేది.
– రిసీవర్ ఏ బ్యాంక్ అకౌంట్ ఉన్నప్పటికీ mCASH మొబైల్ యాప్ లేదా OnlineSBI లోని mCASH లింక్ ద్వారా మొత్తం క్లెయిమ్ చేసుకునే వీలు ఉండేది.
