భారత రైతుల కోసం చైనా నుంచి కొత్త వర్సిటీగా ‘పెరెన్నియల్ రైస్’ (పీఆర్) పరిచయం అవుతోంది. ఈ ప్రత్యేక వరి వంగడాలను ఒక్కసారి నాటడం ద్వారా మూడు సంవత్సరాలలో ఆరు సార్లు పంట కోసుకోవచ్చు. సాధారణ వరి పంటలో ఒక్కసారి మాత్రమే కోత తీసుకోవచ్చు, కానీ పీఆర్ వరి పంట పటిష్టంగా ఉండే కుదుళ్ల వల్ల పంట కోసిన తర్వాత మళ్లీ చిగురించి, తదుపరి సీజన్లలో కూడా తిరిగి వృద్ధి చెందుతుంది.
చైనాలో గత ఏడేళ్లుగా పీఆర్ వరి సాగు విస్తృతంగా జరుగుతోంది. దీని వల్ల ఉత్పత్తి ఖర్చులు సుమారు 40% తగ్గుతాయి, రైతుల నికర లాభం పెరుగుతుంది. అదనంగా, భూసారం పెరుగుతుంది, జీవవైవిధ్యం రక్షించబడుతుంది.
ఇలాంటి ప్రయోజనాలను చూసి భారతీయ వ్యవసాయ పరిశోధనా మండలి (ICAR) మరియు భారతీయ వరి పరిశోధనా సంస్థ (IIRR) కూడా పీఆర్ పంటపై దృష్టి సారించారు. ‘ఫార్మింగ్ సిస్టం’ జర్నల్లో డాక్టర్ విజయకుమార్ షణ్ముగం రాసిన అధ్యయన పత్రం ప్రకారం, పెరెన్నియల్ రైస్ వంగడం ద్వారా ఖర్చులు పెరగడం, ఆదాయం తగ్గడం, నీటి అవసరం పెరగడం, భూసారం క్షీణించడం, పర్యావరణానికి హాని వంటి సమస్యలకు పరిష్కారం లభిస్తుంది.
పీఆర్ పంట ప్రత్యేకత ఏమిటంటే, ఒక్కసారి నాటిన వంగడం ఏడుసార్లు పంటలుగా కోసుకోవచ్చునని, పంట కోసిన తర్వాత కూడా కొత్త పంటలు మొదటి పంటలాగే పునరుత్పత్తి చెందుతాయని. ఈ విధంగా, పీఆర్ రైతులకు ఆర్థిక, పర్యావరణ, భూసారాల పరిరక్షణకు సమగ్ర లాభాలను అందిస్తోంది.
