ఫ్యాషన్ రంగంలో కెరీర్ను లక్ష్యంగా పెట్టుకున్న విద్యార్థులకు శుభవార్త. నేషనల్ ఇన్స్టిట్యూట్ ఆఫ్ ఫ్యాషన్ టెక్నాలజీ (NIFT) 2026 విద్యా సంవత్సరానికి యూజీ, పీజీ ఫ్యాషన్ కోర్సుల్లో ప్రవేశాలకు నోటిఫికేషన్ విడుదల చేసింది. దేశవ్యాప్తంగా హైదరాబాద్ సహా 20 నగరాల్లో నిఫ్ట్ క్యాంపస్లు ఉన్నాయి. సృజనాత్మకతకు ప్రాధాన్యం ఉన్న ఫ్యాషన్ కోర్సులకు ప్రస్తుతం భారీ డిమాండ్ నెలకొంది.
నిఫ్ట్ అందిస్తున్న కోర్సులు ఇవే..
నిఫ్ట్లో నాలుగేళ్ల యూజీ కోర్సులుగా పలు ఫ్యాషన్ డిజైన్ ప్రోగ్రామ్లు అందుబాటులో ఉన్నాయి.
యూజీ కోర్సులు:
- బ్యాచిలర్ ఆఫ్ డిజైన్ (B.Des)
- ఫ్యాషన్ డిజైన్
- టెక్స్టైల్ డిజైన్
- యాక్సెసరీ డిజైన్
- నిట్వేర్ డిజైన్
- లెదర్ డిజైన్
- ఫ్యాషన్ కమ్యూనికేషన్
- బ్యాచిలర్ ఆఫ్ ఫ్యాషన్ టెక్నాలజీ (B.FTech)
పీజీ కోర్సులు:
- మాస్టర్ ఆఫ్ డిజైన్ (M.Des)
- మాస్టర్ ఆఫ్ ఫ్యాషన్ మేనేజ్మెంట్ (MFM)
- మాస్టర్ ఆఫ్ ఫ్యాషన్ టెక్నాలజీ (M.FTech)
యూజీ, పీజీ కోర్సులన్నింటిని కలిపి దేశవ్యాప్తంగా 5,000కు పైగా సీట్లు అందుబాటులో ఉన్నాయి.
అర్హత నిబంధనలు
- B.Des కోర్సులకు ఇంటర్మీడియట్ లేదా సమాన అర్హత ఉండాలి.
- B.FTech కోర్సులకు మ్యాథ్స్, ఫిజిక్స్తో ఇంటర్ లేదా మూడేళ్ల డిప్లొమా పూర్తి చేసి ఉండాలి.
- యూజీ కోర్సులకు అభ్యర్థుల వయస్సు ఆగస్టు 1, 2026 నాటికి 24 ఏళ్లలోపు ఉండాలి. ఎస్సీ, ఎస్టీ, దివ్యాంగులకు ఐదేళ్ల మినహాయింపు ఉంటుంది.
- M.Des, MFM కోర్సులకు ఏదైనా డిగ్రీ లేదా నిఫ్ట్ / నిడ్ నుంచి మూడేళ్ల యూజీ డిప్లొమా పూర్తి చేసి ఉండాలి.
- M.FTech కోర్సుకు నిఫ్ట్ నుంచి B.FTech లేదా BE / B.Tech ఉత్తీర్ణత అవసరం.
- పీజీ కోర్సులకు వయోపరిమితి లేదు.
- చివరి సంవత్సరం చదువుతున్న విద్యార్థులు కూడా దరఖాస్తు చేసుకోవచ్చు.
దరఖాస్తు విధానం, ఫీజు వివరాలు
అభ్యర్థులు ఆన్లైన్ విధానంలో జనవరి 6, 2026 వరకు దరఖాస్తు చేసుకోవచ్చు. రూ.5,000 లేట్ ఫైన్తో జనవరి 10, 2026 వరకు అవకాశం ఉంటుంది.
దరఖాస్తు ఫీజు:
- ఎస్సీ, ఎస్టీ, దివ్యాంగులు: రూ.500
- ఇతర కేటగిరీలు: రూ.2,000
- రెండు కోర్సులకు దరఖాస్తు చేస్తే
- ఎస్సీ, ఎస్టీ, దివ్యాంగులు: రూ.750
- ఇతరులు: రూ.3,000
ప్రవేశ పరీక్ష & ఎంపిక విధానం
నిఫ్ట్ 2026 ప్రవేశ పరీక్ష ఫిబ్రవరి 8, 2026న నిర్వహించనున్నారు. ఈ పరీక్షలో వచ్చిన ర్యాంక్ ఆధారంగా కౌన్సెలింగ్ ద్వారా సీట్లు కేటాయిస్తారు.
కెరీర్ అవకాశాలు
నిఫ్ట్ కోర్సులు పూర్తి చేసినవారికి విస్తృతమైన కెరీర్ అవకాశాలు ఉంటాయి.
- ఫ్యాషన్ డిజైనర్
- ఫ్యాషన్ స్టైలిస్ట్
- ఫ్యాషన్ రిటైలర్
- ఫ్యాషన్ ఎంట్రప్రెన్యూర్
- సెలబ్రిటీ లేదా పర్సనల్ స్టైలిస్ట్
- సొంత బుటిక్ నిర్వహణ
ఫ్యాషన్ రంగంలో క్రియేటివ్ కెరీర్ కోరుకునే వారికి నిఫ్ట్ కోర్సులు మంచి భవిష్యత్తును అందిస్తాయి.
