ఏపీ ఐటీ మరియు విద్యా శాఖల మంత్రి నారా లోకేష్ నియోజకవర్గం మంగళగిరిలో ఈ శనివారం మెగా జాబ్ మేళా నిర్వహించబడుతోంది. యువతకు ఉపాధి అవకాశాలు కల్పించేందుకు ప్రభుత్వం చేపట్టిన కార్యక్రమాల్లో భాగంగా ఏపీ నైపుణ్యాభివృద్ధి సంస్థ (APSSDC) ఈ జాబ్ మేళాను నిర్వహిస్తోంది. గతంలో కూడా ఇదే ప్రదేశంలో పలు జాబ్ మేళాలు నిర్వహించగా, మరోసారి పెద్ద ఎత్తున ఉద్యోగాల భర్తీ కోసం ఈ మేళా నిర్వహిస్తున్నారు.
అధికారుల ప్రకారం,
సమయం: ఉదయం 9 గంటల నుండి సాయంత్రం 4 గంటల వరకు
స్థలం: మంగళగిరి VTJM–IVTR డిగ్రీ కళాశాల
పాల్గొనే కంపెనీలు: 10కు పైగా
అందుబాటులో ఖాళీలు: 262కు పైగా
ఈ మేళాలో 10వ తరగతి, ఇంటర్, డిగ్రీ, పీజీ, బీటెక్ వంటి అర్హతలున్న 18 నుండి 25 ఏళ్ల వయస్సు గల నిరుద్యోగులు పాల్గొనవచ్చు. ఇంటర్వ్యూకు రావాలనుకునే అభ్యర్థులు ఆధార్ కార్డు, విద్యార్హత సర్టిఫికేట్లు, ఫోటోలు, బయోడేటా తీసుకురావాలని అధికారులు సూచించారు.
వేతనం: ఎంపికయ్యే వారికి నెలకు 10,000 నుండి 30,000 రూపాయల వరకు జీతం లభించే అవకాశం ఉంది.
పాల్గొనదలచిన అభ్యర్థులు ముందస్తుగా నైపుణ్యం పోర్టల్ (naipunyam.ap.gov.in) ద్వారా రిజిస్ట్రేషన్ చేసుకోవచ్చు. అలాగే జాబ్ మేళా జరిగే ప్రదేశంలోనే ప్రత్యక్ష రిజిస్ట్రేషన్ సౌకర్యం కూడా అందుబాటులో ఉంటుందని నిర్వాహకులు తెలిపారు.
అదనపు వివరాల కోసం సంప్రదించవచ్చు:
8074597926, 7780588993, 9347372996
నిరుద్యోగ యువతకు మంచి అవకాశాల్ని అందించేందుకు ఈ మెగా జాబ్ మేళా ఉపయోగపడుతుందని అధికారులు తెలిపారు.
