సాధారణంగా చిన్నపాటి తిండి అంటే మనం అంతగా పట్టించుకోం. కానీ ఆ జాబితాలో మఖానా మాత్రం ప్రత్యేక స్థానం పొందింది. దీనిని పోషకాల భాండాగారం అని నిపుణులు పేర్కొంటున్నారు. దేశ ప్రధానమంత్రి నరేంద్ర మోదీ కూడా దీనిని సూపర్ ఫుడ్గా అభివర్ణించారు. ప్రోటీన్, కాల్షియం, మెగ్నీషియం, పొటాషియం, యాంటీ ఆక్సిడెంట్లు వంటి కీలక పోషకాలు ఇందులో పుష్కలంగా ఉండటమే దీనికి అసలు బలం.

తేలికగా జీర్ణమయ్యే ఈ ఆహారం శీతాకాలంలో మరింత ఉపయోగకరం. ఈ కాలంలో నెయ్యిలో వేయించిన మఖానాను తీసుకోవడం శరీరానికి ఎన్నో విధాలుగా మేలు చేస్తుందని ఆయుర్వేద నిపుణురాలు డాక్టర్ అనురాధ మిశ్ర చెప్పారు. నెయ్యిలో వేయించిన మఖానాను ప్రతిరోజూ తీసుకుంటే శరీరంలో జరిగే మార్పులెవో ఆమె వివరించారు.

జీర్ణక్రియ మెరుగుపడుతుంది

మఖానాలో ఉన్న అధిక ఫైబర్ జీర్ణవ్యవస్థకు బలం చేకూరుస్తుంది. నెయ్యిలో వేయించినప్పుడు అవి మరింత సులభంగా జీర్ణమవుతాయి. క్రమం తప్పకుండా తీసుకుంటే
– మలబద్ధకం
– గ్యాస్
– ఎసిడిటీ
వంటి సమస్యలు తగ్గుతాయి. జీర్ణ సమస్యలతో బాధపడేవారికి ఇది సరైన స్నాక్.

బరువు తగ్గడంలో సహాయం

డాక్టర్ అనురాధ మిశ్ర ప్రకారం, నెయ్యిలో వేయించిన మఖానాలో కేలరీలు తక్కువగా, పోషకాలు ఎక్కువగా ఉంటాయి. వీటిలో ప్రోటీన్, ఫైబర్ అధికంగా ఉండటం వల్ల ఆకలిని నియంత్రించి, ఎక్కువ తినాలనే కోరిక తగ్గుతుంది. జీవక్రియ వేగవంతం కావడంతో బరువు తగ్గడంలో సహాయకారి అవుతుంది.

డాక్టర్ చెప్పిన ప్రయోజనాలు

◆ ఎముకల బలం పెరుగుతుంది

కాల్షియం, మెగ్నీషియం సమృద్ధిగా ఉండే మఖానా ఎముకలకు సహజమైన బలాన్ని అందిస్తుంది. నెలరోజులు ఇలా తీసుకుంటే ఎముకలు బలపడడమే కాకుండా, కీళ్ళ నొప్పులు మరియు గట్టి పడ్డ ఏరియాలు తగ్గుతాయని నిపుణులు చెబుతున్నారు.

◆ రక్తంలో చక్కెర నియంత్రణ

మఖానాలో గ్లైసెమిక్ ఇండెక్స్ తక్కువగా ఉండటం వల్ల రక్తంలో చక్కెర స్థాయిలను నియంత్రిస్తుంది. ముఖ్యంగా మధుమేహ రోగులకు ఇది మంచి స్నాక్ ఎంపిక. నెయ్యితో వేయించడం దాని ప్రయోజనాలను మరింత పెంచుతుందంటున్నారు వైద్యులు.

◆ హార్మోన్ల సమతుల్యం

మఖానాలో యాంటీ ఆక్సిడెంట్లు, అమైనో ఆమ్లాలు పుష్కలంగా ఉంటాయి. ఇవి హార్మోన్ల సమతుల్యాన్ని కాపాడటంలో కీలక పాత్ర పోషిస్తాయి. మహిళల్లో
– రుతుక్రమలో ఎడబాటు
– రుతువిరతి లక్షణాలు
– ల్యೂಕోరియా
– రక్తహీనత
వంటి సమస్యలను తగ్గించడానికి ఇది సహాయపడుతుంది. అందుకే మహిళలకు ఇది ఒక “సూపర్ కాంబినేషన్”గా వైద్యులు సూచిస్తున్నారు.

◆ చర్మానికి, జుట్టుకు మేలు

మఖానా, నెయ్యిలోని మంచి కొవ్వులు చర్మానికి మెరుపు, జుట్టుకు బలం అందిస్తాయి. ప్రతిరోజు తీసుకుంటే వృద్ధాప్య లక్షణాలు, ముడతలు తగ్గుతాయి.

◆ హృదయానికి రక్షణ

మఖానాలోని పొటాషియం, నెయ్యిలోని మంచి కొలెస్ట్రాల్ గుండె ఆరోగ్యానికి మేలు చేస్తాయి. ఇవి రక్తపోటును నియంత్రించి, గుండె వ్యాధుల ప్రమాదాన్ని తగ్గిస్తాయి.

◆ మానసిక ప్రశాంతత

నెయ్యితో కలిపి మఖానాను తింటే శరీరం కావలసిన శక్తిని పొందుతుంది. రోజంతా ఉత్సాహంగా ఉండడమే కాకుండా ఒత్తిడిని తగ్గించే లక్షణాలూ ఉన్నాయి.

ఎలా తినాలి?

పద్ధతి చాలా సులభం:
– ఒక పాన్‌లో కొద్దిగా నెయ్యి వేసి మఖానాను తక్కువ మంట మీద వేయించాలి.
– కావాలనుకుంటే తక్కువ ఉప్పు, మిరియాల పొడి వేయొచ్చు. భారమైన మసాలాలు మాత్రం దూరంగా పెట్టాలి.
– ఉదయం లేదా సాయంత్రం స్నాక్‌గా తీసుకోవచ్చు.
– డయాబెటిస్, గుండె సమస్యలున్నవారు నెయ్యి మోతాదును తగ్గించాలి.
– ఎక్కువగా తినకూడదు.