చైనా సాంకేతిక రంగంలో సాధిస్తున్న పురోగతి గురించి ఎంత చెప్పినా తక్కువే. అత్యాధునిక టెక్నాలజీని అతి వేగంగా అందిపుచ్చుకుని ప్రయోగాత్మకంగా విజయవంతం చేయడంలో చైనా ఎప్పుడూ ముందుంటుంది. తాజాగా రైల్వే రంగంలో మరో చరిత్రాత్మక ఘట్టాన్ని లిఖిస్తూ ప్రపంచ దృష్టిని తనవైపు తిప్పుకుంది. ప్రపంచంలోనే అత్యంత వేగవంతమైన రైలు పరీక్షను విజయవంతంగా నిర్వహించి నయా వరల్డ్ రికార్డును నెలకొల్పింది.
మాగ్నెటిక్ లెవిటేషన్ (Magnetic Levitation) అనే అత్యాధునిక సాంకేతికతతో నడిచే సూపర్ కండక్టింగ్ మాగ్లెవ్ రైలును చైనా పరీక్షించింది. ఈ ప్రయోగంలో కేవలం రెండు సెకన్ల వ్యవధిలోనే గంటకు 700 కిలోమీటర్ల వేగాన్ని అందుకోవడం ద్వారా ప్రపంచ రికార్డును సృష్టించింది. అంతేకాక మరో ట్రయల్లో ఈ రైలు గంటకు 800 కిలోమీటర్ల వేగంతో దూసుకెళ్లి సాంకేతిక నిపుణులను ఆశ్చర్యానికి గురిచేసింది.
ఇప్పటి వరకు హైస్పీడ్ రైళ్ల విషయంలో జపాన్ ప్రపంచంలో ముందంజలో ఉన్న విషయం తెలిసిందే. అయితే తాజా ప్రయోగాలతో చైనా జపాన్ రికార్డులను అధిగమించి రైల్వే టెక్నాలజీలో తనదే ఆధిపత్యమని మరోసారి నిరూపించింది. సరికొత్త మాగ్లెవ్ టెక్నాలజీ ద్వారా చైనా ఈ ఘనతను సాధించి ప్రపంచ రైల్వే చరిత్రలో కొత్త అధ్యాయాన్ని ప్రారంభించింది.
జపాన్ పేరిట ఉన్న పాత స్పీడ్ రికార్డులను అధిగమిస్తూ, చైనా మాగ్లెవ్ రైలు రెండు సెకన్లలోనే 700 కిలోమీటర్ల వేగాన్ని అందుకోవడం విశేషం. అయస్కాంత శక్తిని ఉపయోగించి పట్టాలపై గాలిలో తేలుతూ ప్రయాణించే ఈ రైలు సుమారు ఒక టన్ను బరువు ఉంటుంది. 400 మీటర్ల పొడవైన ప్రత్యేక ట్రాక్పై ఈ పరీక్షలను నిర్వహించారు. ఈ ప్రయోగంతో ఇది ప్రపంచంలోనే అత్యంత వేగవంతమైన సూపర్ కండక్టింగ్ ఎలక్ట్రిక్ మాగ్లెవ్ రైలుగా గుర్తింపు పొందింది. ఈ ట్రయల్ రన్స్కు సంబంధించిన వీడియోలు ప్రస్తుతం సోషల్ మీడియాలో వైరల్గా మారాయి.
అధికారుల మాటల్లో చెప్పాలంటే, ఈ మాగ్లెవ్ టెక్నాలజీ భవిష్యత్తులో రాకెట్లు, విమానాల టేకాఫ్ వేగాన్ని పెంచడంలో కూడా కీలక పాత్ర పోషించే అవకాశముంది. రవాణా రంగానికే కాకుండా డిఫెన్స్, ఏరోస్పేస్ రంగాలకు కూడా ఇది విప్లవాత్మక మార్పులు తీసుకురావచ్చని నిపుణులు అంచనా వేస్తున్నారు.
ఈ సరికొత్త మాగ్లెవ్ టెక్నాలజీని చైనా నేషనల్ యూనివర్సిటీ ఆఫ్ డిఫెన్స్ టెక్నాలజీ (NUDT)కి చెందిన పరిశోధకులు అభివృద్ధి చేశారు. 400 మీటర్ల పొడవైన ప్రత్యేక ట్రాక్పై నిర్వహించిన ఈ పరీక్షల్లో రైలు రెండు సెకన్లలోనే గంటకు 700 కిలోమీటర్ల వేగాన్ని సాధించి అందరినీ విస్మయానికి గురిచేసింది. అనంతరం రైలును సురక్షితంగా ఆపగలగడం కూడా ఈ టెక్నాలజీ విశ్వసనీయతకు నిదర్శనంగా నిలిచింది. దీనికి సంబంధించిన దృశ్యాలు సోషల్ మీడియాలో విస్తృతంగా చక్కర్లు కొడుతున్నాయి.
ఇదిలా ఉండగా, భారత్లో ప్రస్తుతం ఢిల్లీ–మీరట్ మధ్య నడుస్తున్న నమో భారత్ రైలు (RRTS) గంటకు 160 కిలోమీటర్ల వేగంతో దేశంలోనే అత్యంత వేగవంతమైన రైలుగా కొనసాగుతోంది. ఈ రైలు వందే భారత్ ఎక్స్ప్రెస్, గతిమాన్ ఎక్స్ప్రెస్ల కంటే ఎక్కువ వేగాన్ని సాధించడం గమనార్హం. అయితే చైనా మాగ్లెవ్ రైళ్లతో పోలిస్తే భారత హైస్పీడ్ రైలు వ్యవస్థ ఇంకా అభివృద్ధి దశలోనే ఉందని విశ్లేషకులు అభిప్రాయపడుతున్నారు.
