కేరళలో బ్రిటన్ యుద్ధవిమానం అత్యవసర ల్యాండింగ్.. ఏం జరిగిందంటే?

భారత దేశంలో ఇటీవల ఎఫ్-35 బీ ఫైటర్ జెట్ విమానం తాత్కాలికంగా ల్యాండ్ కావడం, ఆపై జరిగిన పరిణామాలు ఇప్పుడు అంతర్జాతీయ దృష్టిని ఆకర్షిస్తున్నాయి. కేరళలో త్రివేంద్రం అంతర్జాతీయ విమానాశ్రయంలో ఈ యుద్ధవిమానం ఆరుబయటే పార్క్ చేయబడడం ప్రస్తుతం విమానయాన పరిశ్రమలోనే కాదు, సామాన్యుల మధ్య కూడా చర్చనీయాంశంగా మారింది.

సాంకేతిక లోపంతో అత్యవసర ల్యాండింగ్

జూన్ 14న బ్రిటన్ నేవీకి చెందిన ఎఫ్-35 బీ యుద్ధవిమానం ఇంధనం తక్కువగా ఉండటంతో త్రివేంద్రంలో అత్యవసరంగా ల్యాండ్ అయింది. ఈ విమానం HMS Prince of Wales Strike Group లో భాగంగా ఇండో-పసిఫిక్ ప్రాంతంలో మోహరించబడింది. భారత నేవీతో కలిసి నిర్వహించిన నావికాదళ విన్యాసాల్లో కూడా ఇది పాల్గొంది.

హ్యాంగర్ ఆఫర్‌ను ఎందుకు తిరస్కరించిందీ బ్రిటన్?

విమానాన్ని శాశ్వతంగా హ్యాంగర్‌లో ఉంచాలని ఎయిర్ ఇండియా ముందుకొచ్చింది. కానీ బ్రిటన్ రాయల్ నేవీ ఈ ఆఫర్‌ను మర్యాదపూర్వకంగా తిరస్కరించింది. కారణం ఏమిటంటే, ఈ విమానంలో అత్యాధునిక సాంకేతికత, ప్రత్యేకమైన టెక్నాలజీ అమలులో ఉంది. వీటిని ఇతర దేశాలు సమీక్షించకుండా ఉండటమే వారి లక్ష్యం. ముఖ్యంగా ‘ప్రొటెక్టెడ్ టెక్నాలజీస్’ భద్రత కారణంగా దీనిని బహిరంగ ప్రదేశంలోనే ఉంచాలని నిర్ణయించారన్నది విశ్వసనీయ సమాచారం.

విమానంలో ఏం తలెత్తింది?

విమానంలో హైడ్రాలిక్ వ్యవస్థలో సమస్య తలెత్తిందని చెబుతున్నారు. దాన్ని బ్రిటన్ నిపుణులు, పైలట్ కలిసి పరిష్కరించేందుకు ప్రయత్నాలు కొనసాగిస్తున్నారు. meantime, విమానానికి భారత ప్రభుత్వం తరఫున అవసరమైన భద్రతా ఏర్పాట్లు చేసినట్టు సమాచారం. ఈ యుద్ధవిమానం పౌర విమానాశ్రయంలో ఉండటంతో, ప్రయాణికులు, స్థానికులు ఎంతో ఆసక్తిగా దీనిని గమనిస్తున్నారు.

సోషల్ మీడియాలో హంగామా.. OLXలో అమ్మకానికి?

ఈ ఫైటర్ జెట్ నేపథ్యంలో సోషల్ మీడియాలో వినూత్న మీమ్స్, పోస్టులు వైరల్ అవుతున్నాయి. అంతేకాదు, ఒక ఫేక్ పోస్ట్‌లో ఈ విమానాన్ని OLX లో అమ్మకానికి పెట్టారని చూపిస్తూ 4 మిలియన్ డాలర్లు ధరగా పేర్కొన్నారు. ఇది నెటిజన్లను నవ్వించేలా చేసింది.

ఇది అంత ఖరీదైనదా?

అవును. ఎఫ్-35 బీ మోడల్ యుద్ధవిమానం ప్రపంచంలో అత్యంత ఖరీదైన యుద్ధవిమానాల్లో ఒకటి. అమెరికా తయారుచేసిన ఈ విమానంలో స్టెల్త్ టెక్నాలజీ, అధునాతన సెన్సార్ వ్యవస్థ, షార్ట్ టేకాఫ్ అండ్ వెర్టికల్ ల్యాండింగ్ (STOVL) ఫీచర్లు ఉన్నాయి. ఇది తక్కువ స్థలంలో నుంచి ఎగరగలదు, నిలబడి కూడా ల్యాండ్ కావచ్చు. ఈ ఫీచర్లే దీనిని ప్రత్యేకంగా నిలబెట్టాయి.

ఫైనల్‌గా.. హ్యాంగర్‌లోకి వెళ్తుందా?

విశ్వసనీయ వర్గాల సమాచారం ప్రకారం, సమస్య పూర్తిగా పరిష్కరించాక చివరి తనిఖీలు జరిపే సమయంలో విమానాన్ని తాత్కాలికంగా హ్యాంగర్‌లోకి తరలించే అవకాశం ఉంది. కానీ, తదుపరి కార్యకలాపాలపై బ్రిటన్ నేవీ నుంచి అధికారిక ప్రకటన మాత్రమే స్పష్టత ఇస్తుంది.