ఊపిరితిత్తులు, గుండె ఆరోగ్యానికి అనులోమ విలోమ ప్రాణాయామం – ఒక్క శ్వాస వ్యాయామంతో సంపూర్ణ ఆరోగ్యం

ఒక్క శ్వాస వ్యాయామం ద్వారా ఊపిరితిత్తులు, గుండె ఆరోగ్యాన్ని కాపాడుకోవచ్చని మీకు తెలుసా?
అదే అనులోమ విలోమ ప్రాణాయామం. యోగా శాస్త్రంలో ప్రాణాయామానికి ప్రత్యేక స్థానం ఉంది. అందులో భాగమైన ఈ శ్వాస విధానం శరీరానికి, మనసుకు, గుండెకు ఒకేసారి లాభం చేకూర్చే పద్ధతి. శతాబ్దాలుగా తరతరాలు అనుసరిస్తున్న ఈ ప్రాక్టీస్ నేటికీ ఎంతో ప్రాధాన్యాన్ని సంతరించుకుంది.

అనులోమ విలోమ అంటే ఏమిటి?

అనులోమ విలోమ అంటే ప్రత్యామ్నాయ నాసికా శ్వాస. ఒకసారి ఎడమ ముక్కు రంధ్రం ద్వారా గాలి పీల్చి, మరోసారి కుడి ముక్కు రంధ్రం ద్వారా పీల్చడం, వదిలేయడం ఇందులో భాగం. ఈ విధానం ద్వారా శ్వాస నియంత్రణ క్రమబద్ధం అవుతుంది.

ఎలా చేయాలి?

• నిశ్శబ్ద ప్రదేశంలో సౌకర్యవంతంగా కూర్చోవాలి.
• వెన్నెముక నిటారుగా ఉంచాలి.
• కుడి చేతి బొటనవేలితో కుడి ముక్కు రంధ్రం మూసి, ఎడమ రంధ్రం ద్వారా శ్వాస తీసుకోవాలి.
• తర్వాత ఉంగరం వేలితో ఎడమ రంధ్రం మూసి, కుడి రంధ్రం ద్వారా శ్వాస వదలాలి.
• ఇదే విధంగా మారుస్తూ కొనసాగించాలి.
• ఉదయం ప్రశాంత వాతావరణంలో చేయడం ఉత్తమం.

లాభాలు

1. ఊపిరితిత్తుల ఆరోగ్యం

• శ్వాసకోశ వ్యవస్థ బలపడుతుంది.
• ఉబ్బసం, బ్రోన్కైటిస్, ఇతర శ్వాస సంబంధిత సమస్యలు తగ్గుతాయి.

2. ఒత్తిడి నియంత్రణ

• కార్టిసాల్ స్థాయిలు తగ్గడం వల్ల ఆందోళన, డిప్రెషన్ తగ్గుతాయి.
• మానసిక శాంతి పెరుగుతుంది.

3. గుండె ఆరోగ్యం

• రక్తపోటు నియంత్రణలో ఉంటుంది.
• గుండె జబ్బుల ప్రమాదం తగ్గుతుంది.
• రక్త శుద్ధీకరణ మెరుగవుతుంది.

4. జీర్ణక్రియ

• రక్తప్రవాహం మెరుగుపడటం వల్ల అజీర్ణం, మలబద్ధకం సమస్యలు తగ్గుతాయి.

5. బరువు తగ్గడం

• జీవక్రియ వేగవంతమవుతుంది.
• ఆక్సిజన్ సరఫరా పెరగడంతో కేలరీలు సమర్థవంతంగా కరుగుతాయి.

6. మరిన్ని లాభాలు

• కంటి ఆరోగ్యం మెరుగవుతుంది.
• ఏకాగ్రత పెరుగుతుంది.
• నిద్ర నాణ్యత మెరుగై గురక తగ్గుతుంది.
• రక్తంలో షుగర్ స్థాయిలు నియంత్రణలో ఉంటాయి.

గమనిక

ఇది సాధారణ సమాచార కోసం మాత్రమే. ఇది వైద్య సలహా కాదు. అనులోమ విలోమ లేదా ఏదైనా ప్రాణాయామాన్ని ప్రారంభించే ముందు వైద్యులను సంప్రదించడం మంచిది.