ఆంధ్రప్రదేశ్ ప్రభుత్వం రైతులకు ఆర్థిక భరోసా కల్పించేందుకు ప్రవేశపెట్టిన అన్నదాత సుఖీభవ పథకం ద్వారా ఏడాదికి ₹20,000 పెట్టుబడి సాయం అందించనుంది. ఇందులో ₹6,000 కేంద్ర ప్రభుత్వం ఇచ్చే పీఎం కిసాన్ నిధులు కాగా, మిగిలిన ₹14,000 రాష్ట్ర ప్రభుత్వం అందించనుంది. ఈ మొత్తాన్ని మూడు విడతలుగా నేరుగా రైతుల బ్యాంకు ఖాతాలో జమ చేస్తారు.
పథక ఉద్దేశ్యం
భూమి తక్కువగా ఉన్న చిన్న, సన్నకారు రైతులు, కౌలు రైతుల ఆర్థిక స్థిరత్వాన్ని మెరుగుపరచడమే ప్రధాన లక్ష్యం. పెరుగుతున్న ఎరువులు, విత్తనాలు, సాగు ఖర్చులతో పోరాడుతున్న రైతులకు ఇది ఒక గొప్ప మద్దతు.
ఎవరెవరు అర్హులు?
- ఆంధ్రప్రదేశ్ రాష్ట్రానికి చెందిన రైతులు
- 5 ఎకరాల లోపు భూమి కలిగిన చిన్న, సన్నకారు రైతులు
- కనీస వయస్సు 18 సంవత్సరాలు
- ఆధార్, భూమి పత్రాలు, పాస్‌బుక్ తప్పనిసరి
- భూమిని లీజుకు తీసుకున్న కౌలు రైతులు కూడా అర్హులు (ధ్రువీకరణ పత్రంతో)
ఎవరికి వర్తించదు?
- ఆదాయపన్ను చెల్లించేవారు
- ప్రభుత్వ ఉద్యోగులు, పదవీ విరమణ పొందినవారు
- ప్రజాప్రతినిధులు (MLA, MP మొదలైనవారు)
- నెలకు ₹10,000 పైగా పెన్షన్ పొందేవారు
దరఖాస్తు ఎలా చేసుకోవాలి?
- రైతు సేవా కేంద్రాన్ని (RBK) సంప్రదించాలి
- ఆధార్, భూమి పత్రాలు, బ్యాంక్ పాస్‌బుక్, ఫోటో, మొబైల్ నంబర్ సమర్పించాలి
- అధికారులు వివరాలను ధృవీకరించి లబ్ధిదారుల జాబితాలో చేర్చుతారు
- ఎంపికైనవారికి డైరెక్ట్ బెనిఫిట్ ట్రాన్స్‌ఫర్ (DBT) ద్వారా మూడు విడతలుగా నిధులు జమ అవుతాయి
అవసరమైన పత్రాలు:
- ఆధార్ కార్డు
- భూమి పత్రాలు (పట్టా, పాస్‌బుక్, ROR)
- బ్యాంక్ పాస్‌బుక్
- మొబైల్ నంబర్
- పాస్‌పోర్ట్ సైజ్ ఫోటో
- కౌలు రైతులైతే CCR పత్రం తప్పనిసరి
స్టేటస్ ఎలా చెక్ చేయాలి?
- అధికారిక వెబ్‌సైట్: https://annadathasukhibhava.ap.gov.in
- ‘Know Your Status’ క్లిక్ చేయాలి
- ఆధార్ నంబర్ లేదా మొబైల్ నంబర్ నమోదు చేసి స్టేటస్ తెలుసుకోవచ్చు (Pending, Verified, Rejected, Payment Done)
కెంపిక ప్రక్రియ ఎలా ఉంటుంది?
రైతు సేవా కేంద్రాల్లో సేకరించిన వివరాలను గ్రామ వ్యవసాయ సహాయకులు, మండల వ్యవసాయ అధికారులు పరిశీలిస్తారు. వెబ్‌ల్యాండ్‌లో నమోదైన వివరాల ఆధారంగా జిల్లా స్థాయిలో ఎంపిక చేసి జాబితాలో చేర్చుతారు.
దరఖాస్తు చివరి తేదీ: మే 25, 2025
ప్రస్తుతం చివరి తేదీని మే 25 వరకూ పొడిగించారు. అర్హులైన రైతులు వెంటనే తమ వివరాలతో గ్రామ రైతు సేవా కేంద్రాన్ని సంప్రదించి నమోదు చేసుకోవాలి.
ప్రయోజనాలు
- ఏడాదికి ₹20,000 నేరుగా ఖాతాలో
- పెట్టుబడి భారం తగ్గింపు
- విత్తనాలు, ఎరువులు, పంటల బీమాకు సహకారం
- వ్యవసాయంపై నమ్మకాన్ని పెంచే విధానం
తరచూ అడిగే ప్రశ్నలు (FAQs)
1. పీఎం కిసాన్ డబ్బులు వస్తే, అన్నదాతకు కూడా దరఖాస్తు చేయాలా?
– అవసరం లేదు. PM-KISAN లబ్ధిదారులకు అన్నదాత సుఖీభవ సాయం స్వయంగా కలిపి జమ అవుతుంది.
2. ఒకే కుటుంబంలో ఒకరికి మాత్రమేనా?
– అవును. కుటుంబాన్ని ఒక యూనిట్‌గా పరిగణిస్తారు. భార్య, భర్త, పిల్లల పేర్లకు ఒకరికి మాత్రమే లబ్ధి.
3. పింఛన్ లేదా ప్రభుత్వ ఉద్యోగం ఉంటే అర్హత ఉందా?
– కాదు. ₹10,000 పింఛన్ లేదా ప్రభుత్వ ఉద్యోగం ఉన్నవారు అర్హులు కారు.
4. ఆన్‌లైన్‌లో దరఖాస్తు చేయొచ్చా?
– ప్రస్తుతానికి లేదు. కానీ స్టేటస్‌ను మాత్రం ఆన్‌లైన్‌లో చెక్ చేసుకోవచ్చు.
